ســنـكـسار الــيوم

 


العودة   منتديات مطرانية البلينا للأقباط الأرثوذكس > المنتديات العامة > منتدى الخدمة والخدام
صفحة المنتدى على الفيس بوك ادخل وشاركنا

منتدى الخدمة والخدام كل ما يخص الخدمة والخادم من افكار ودراسات ومناهج التربية الكنسية

المشاركة في الموضوع
 
خيارات الموضوع
قديم 15-12-2010, 11:35 AM   رقم المشاركة : 1
† مشرف †
 
الصورة الرمزية لـ معونتي العدرا





معونتي العدرا غير متصل

معونتي العدرا has a spectacular aura aboutمعونتي العدرا has a spectacular aura aboutمعونتي العدرا has a spectacular aura about

545454 إسكتش للميلاد (أنا فرحان) لخدمة مدارس الاحد

أنا فرحان

الشخصيات : ولد – النجمة – المجوس – الرعاة – ملاك – البقرة و الحمار.


ترنيمة :- انا دايماً فرحان

الولد : ايه ده ... كلكم كدة فرحانين ... ايه اللى مفرحكم كدة ؟
الكل : هو فيه حد مش فرحان النهاردة ؟
الولد : طب ونفرح ليه يعنى ؟
الراعى : مش عارف نفرح بيه ؟ ... آل مش عارف آل ... هاها ..
النجمة : النهاردة عيد ميلاد بابا يسوع .
المجوس : حتى احنا جبناله هدايا .
البقرة و الحمار : أصل احنا كلنا بنحبه قوى .
الولد : طب ما أنا بحبه أنا كمان
الكل : و النهاردة بيفكرنا بحاجات جميلة قوى ...
النجمة : ده اللى حصل معايا عمرى . ما هانساه ابداً .
الولد : ايه ؟ .. ايه اللى حصل معاكى ؟ !!
المجوس : ده انت بالذات يا نجمة حكايتك حكاية ..
الولد : هو انتوا عارفين حكايتها ؟ !!!!
المجوس : ايوة اصل احنا شغلتنا نراقب النجوم و نعرف ايه اللى بيحصل فى السما ..
الولد : احكى يللا يا نجمة قولى قوام اللى حصل ...
النجمة : أنا فاكرة كويس اللى حصل ... زى الليلة اللى فاتت ... و كانت ليلة ضلمة خالص ..
و كنت انا نجمة صغيرة قوى .... و نورى ضعيف لدرجة إن مافيش حد كان واخد باله ان
انا موجودة .
المجوس : ( بتأكيد ) فعلاً .... ده صحيح ...
النجمة : لكن فجأة لقيت نفسى عمالة اكبر .. وأكبر ... بقيت كبيرة قوى ... أكبر من كل النجوم
... و لقيت نفسى منورة جامد ... منورة جامد قوى ...
المجوس : و احنا بقى خدنا بالنا منها ...
النجمة : و لقيت نفسى ماشية ... ماشية ..... و المجوس يمشوا ورايا ...
المجوس : بس اسكتى يا نجمة ... احكى حكايتك و بس ..
ترنيمة : - كانت السما فرحانة
( 1 )


الولد : ها و بعدين . ايه اللى حصل تانى ؟
المجوس :
بعد النجمة ما كبرت و نورت كتير قوى .. احنا خدنا بالنا .. و الكتب اللى عندنا بتقول ... ان كل ما يتولد ملك عظيم .. بينور له نجم فى السما .
و كل ما كان النجم كبير أكتر كل ما كان الملك ده عظيم اكتر .
و لقينا النجمة بتتحرك ... فضلنا ماشيين وراها ..هى تمشى و احنا وراها .
لغاية ما راحت عند بيت لحم .. و وقفت فوق مزود البقر و الخرفان ..
احنا استغربنا .... لكن النجمة وقفت ما اتحركتش تانى .. فعرفنا ان الملك العظيم اللى اتولد فعلاً موجود هنا ..
و ما نسيناش طبعاً نجيب له هدايا تليق بمقامه .
انا جبت له دهب .. علشان هو ملك ..
و انا جبت له لُبان .. زى البخور كده .. لأنى حسيت انه هيكون كاهن .
أنا بقى جبت له مر .. لأنى حسيت انه ها يتألم شوية .. و دخلنا المزود لقينا البقرة والحمار و الراعى كمان ..
الراعى : بس ... اقف عندك ... احكى حكايتك و بس .
ترنيمة :- كان فيه مرة مجوس و مجوس
الولد : ( للراعى ) و انت احكى لى حكايتك ..
الراعى : ما هو انا اللى علىّ الدور
فى نفس الوقت ده .. كنت و اصحابى قاعدين نرعى الغنم .. و بندّفى على النار .
كانت الدنيا ضلمة ... و كل الناس كانت نايمة .. إلا انا و اصحابى و الخرفان
و فجأة حصلت حاجة غريبة ..
الولد : ( بتلهف ) ايه ؟؟!..... ايه اللى حصل ؟؟
الراعى : فجأة ظهر نور جامد نور كل الدنيا الضلمة
و لقينا قدامنا ملاك أبيض منور .. و قال لنا .. افرحوا ..
الملاك : استنى أنا ها أقول لكم انا قلت لهم ايه .
الولد : يللا قول مستنى ايه ؟
الملاك : قلت لهم . افرحوا ... أنا جاى ابشركم بخبر حلو خالص المسيح اتولد .. اتولد فى بيت
لحم ...... ساعتها كلنا كنا فرحانين .. أنا و كل الملايكة .. و اتلمينا كلنا و رنمنا و قلنا
المجد لله فى الأعالى و على الرض السلام و بالناس المسرة .
الولد : و عملتو ا ايه بعد كده ؟
الراعى : خدنا هدية صغيرة على قدنا .. و رحنا لبابا يسوع ...
و بعدها بقينا نحكى لكل واحد نقابله و نقول له افرح بابا يسوع اتولد فى بيت لحم ...
و حكينا الحكاية لكل الأولاد و البنات ترنيمة :- يا أولاد و بنات
( 2 )

البقرة : دلوقتى جه دورنا علشان نحكى حكايتنا
الحمار : انتى لسة فاكرة يا بقرة يا بقارة ؟!
البقرة : طبعاً ... و دى حاجه تتنسى ... فاكر لما كنا احنا الأتنين قاعدين فى الحظيرة بتاعتنا ..
و بعدين دخلوا علينا ناس غريبة مع صاحب الحظيرة ؟
الحمار : طبعاً .. ساعتها كانوا اتنين راجل عجوز مع بنت حلوة .. البنت دى كانت قربت تولد
البقرة : ساعتها كانت كل البلد زحمة و ما لقيوش مكان الا عندنا فى الحظيرة بتاعتنا
الحمار : كانوا تعبانين قوى ... الراجل العجوز كان اسمه يوسف .. و البنت كانت اسمها مريم
البقرة : فاكر يا حمور .. بعدها مريم ولدت ولد حلو خالص ... و المجوس و الراعى جم وقدموا له هدايا
حلوة قوى
الحمار : آه احنا قلنا ساعتها أكيد الولد ده عظيم قوى
البقرة : و عرفنا بعد كده انه هو بابا يسوع ... بابا يسوع اتولد فى الحظيرة بتاعتنا ..ز فى بيتنا
الحمار : يا فرحنا يا بقارة ... بابا يسوع اتولد عندنا
الولد : يا بختكم ... بابا يسوع اتولد عندكم ... كان نفسى اكون معاكم ....
ترنيمة :- أتمنى لو أكون
المجوس : معلش ... اوعى تزعل .... فى الآخر بابا يسوع جه أرضنا ... اتولد لينا علشانك و
علشانى
النجم : طبعاً علشان كده كلنا لازم نفرح ... لازم نفرح و نهيّص ... يللا نفرح ... هييييه
الكل : يلللا نفرح .... هييييييه .
ترنيمة :- انا دايماً فرحان

منقول للأمانة




التوقيع




علميني هدوئك ووداعتك 000

علميني يا أمي طاعتك 000
    الرد مع إقتباس
قديم 16-12-2010, 07:03 PM   رقم المشاركة : 2
† مشرف †
 
الصورة الرمزية لـ نونا بنت البابا كيرلس





نونا بنت البابا كيرلس غير متصل

نونا بنت البابا كيرلس will become famous soon enoughنونا بنت البابا كيرلس will become famous soon enough

إفتراضي

الله الله الله اسكتش هاااايل
وياريت كلنا نفرح بميلاد الفادى وبولادته فى قلوبنا
ميرسي كتيرررررررررر اختى معونتى وكل سنه وانتى بالف خير يارب

التوقيع







زوء ياعم انت وهو من هنا للصبح
مهما ضغطوا عليا ومهما حاولتوا تفرموني في الحياة
ولو الدنيا من ناحيه والناس من ناحيه
ولا هتأثر
علشان فيه واحد باشارة واحده بس من صباعه بيحميني
بحبك اوي اوي يارب
    الرد مع إقتباس
قديم 17-12-2010, 10:48 PM   رقم المشاركة : 3
† مشرف †
 
الصورة الرمزية لـ معونتي العدرا





معونتي العدرا غير متصل

معونتي العدرا has a spectacular aura aboutمعونتي العدرا has a spectacular aura aboutمعونتي العدرا has a spectacular aura about

إفتراضي

ميرسى مرورك الجميل أختى نونا
كل سنه وانتى طيبه


    الرد مع إقتباس
قديم 20-12-2010, 12:16 PM   رقم المشاركة : 4
عضو





alkmos غير متصل

alkmos will become famous soon enough

إفتراضي

جميلة جدا
ربنا يبارك خدمتك
صلى لاجلى


التوقيع

"تسهر على وكانك قد نسيت الخليقة كلهاتهبنى عطاياك وكانى وحدى موضوع حبك"
( القديس اغسطينوس)
mina alkmos
صلوا لاجلى كتييييير
    الرد مع إقتباس
قديم 21-12-2010, 03:36 PM   رقم المشاركة : 5
† مشرف †
 
الصورة الرمزية لـ معونتي العدرا





معونتي العدرا غير متصل

معونتي العدرا has a spectacular aura aboutمعونتي العدرا has a spectacular aura aboutمعونتي العدرا has a spectacular aura about

إفتراضي

ميرسى مرورك الجميل أخويا القمص


    الرد مع إقتباس
قديم 21-12-2010, 05:47 PM   رقم المشاركة : 6
عضو نشيط
 
الصورة الرمزية لـ niso





niso غير متصل

niso is a splendid one to behold

إفتراضي

اسكتش رووعة وفعلا الاطفال هتتعلم منه حاجات كثير
ربنا يبارك خدمتك الجميلة معونتي
كل سنة وانتي طيبة

التوقيع






    الرد مع إقتباس
المشاركة في الموضوع

مواقع النشر (المفضلة)

 الكلمات الدليلية (Tags - تاق )
(أنا, للميلاد, مدارس, لخدمة, الاحد, فرحان), إسكتش

خيارات الموضوع

قوانين المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاح
كود [IMG] متاح
كود HTML غير متاح

الإنتقال السريع

مواضيع مشابهة
الموضوع كاتب الموضوع المنتدى الردود آخر مشاركة
إسكتش : المهم الاساس لاطفال مدارس احد اعنى فانتصر منتدى الخدمة والخدام 7 17-08-2011 02:54 PM
أفكار جميله جدا لخدمة مدارس الاحد معونتي العدرا منتدى الخدمة والخدام 15 15-05-2011 03:53 PM
أفكار جميله لحفلة الكريسماس وعيد الميلاد المجيد لخدمة مدارس الاحد معونتي العدرا منتدى الخدمة والخدام 6 21-12-2010 03:34 PM
كيف نشأت مدارس الاحد؟؟ الانبا رويس حبيبى منتدى الخدمة والخدام 5 04-06-2010 11:41 PM
الى خدام مدارس الاحد افكار جديدة تنفع لاولاد مدارس الاحد بحبك يا عدرا منتدى الخدمة والخدام 4 16-08-2007 03:55 AM

جميع الأوقات بتوقيت القاهرة. الساعة الآن » [ 11:14 PM ] .

Powered by vBulletin® Version 3.8.2
Copyright ©2000 - 2014, Jelsoft Enterprises Ltd Anbawissa
جميع الحقوق محفوظة لمطرانية الأقباط الأرثوذكس بالبلينا ... جـمـيع الآراء و المـشاركات الـمـنشورة في هذا المنتدى تعبر فقط عن رأى صاحبها الذى قام بكتابتها تحت إسم عضويته و لا تعبر بأى حال من الأحوال عن رأي منتديات مطرانية الأقباط الأرثوذكس بالبلينا