طلب صلاة حارة

[niso]

اخواتي في المسيح
كل سنة وانتم بخير
انا بمر الايام دي بحالة نفسية صعبة جدا في نهاية عام 2008 وبداية عام 2009 لاني قمت بعمل بعض التحاليل ولا داعي للباقي
والمطلوب مني ان لا افكر في الامر نهائيا لان كثر التفكير والحالة النفسية ليهم الاثر الاول في زيادة المشكلة

نفسي ابطل تفكير واسيب كل حاجة للخالقني .
انا بطلب من ربنا انه ينفذ كلامه الي قاله
الذي لا يدعكم تجربون فوق ما تستطيعون
وان يعطيني القوة والمعونة الالهية حتي تنتهي هذه الفترة واقوم بعمل تحاليل اخرى

صلوا من اجلي يا اخوتي بشفاعة ام النور العذرا مريم والشهيد العظيم ابي سيفين والانبا كاراس السائح
ان لا احتاج لآي عمليات جراحية وهذا سوف يبان بعد شهرين بمشيئة الله

ياريت اي شخص له علاقة باي اسقف يعطيه اسمي نسرين
وانا واثقة ان الله هيقف معايا عشان صلواتكم لي

[تهانى]

ربنا معاكى يااختى نسرين والرب فى ايدى انا يشفيك ويضع يدة عليك بركة ام النور مريم والبابا كيرلس تاكيدة انا رب معاك وقف معاكى بس انت بلاش تفكرى كتير علشان متعبيش سيب كل حاجة فى ايدى الهك الحى افرح بسنة جديدة هتمر علينا بركة ام نور تضع يديها عليك وتحوش اى شى مكرة فيكى صلى كتير وربنا عمرة ماهينساة اولادة ابدا

[قيثارة داود تبكى]

الف سلامة عليك اختى نسرين وانشالله بشفاعة ام النور وابوسفين والانبا كاراس السائح ربنا يتمجد معاكى بس بلاش التفكير الانها بيتعب اكتر من اى حاجة

[بحبك يا عدرا]

كل سنة وانتى طيبة اختى نيسو
ربنا يعود عليكى الايام بخير
(ثق ان الذى اختار لك اول الطريق لن يتركك فى منتصفة )

ثقى ان ربنا مش هيسيبك وهيفرحك قريب
والف مليون سلامة عليكى
بركة العدرا تكون معاكى وتحميكى ونسمع اخبار حلوة قريب
merry christmas

[جمال جورج]

الأخت العزيزة نسرين

لا تفكري في الأمر كثيرا بل دعي الأمر لمن بيده الأمر ....

انت منقوشه علي كفه .. ولا تستطيع اي قوي مهما عظم شأنها ات تمسك إلا بأذن منه وهو له احكام فاقت عقولنا ولا ندرك معناها ومغزاها

ارمي حملك عليه وشيلي صليبك وانت ثابته قوية ومدي ايدك امسكي ايده علشان يعدي بيكي اي ضيق

ثقي وافرحي وتهللي ولا تفكري في الضيقة بل ارميها خلفك

رب المجد يسوع يتحنن عليكي بصلوات اخوتي اعضاء المنتدي الجميل


http://rock4host.com/up/uploads/64fef864db.gif (http://rock4host.com/up)

[cendrella]

( الانسان الذى له رجاء يؤمن بالله وصلاحه ومحبته ووعده يتأكد ان الله قد قبل طلبته وان الرب لابد ان يعمل الخير وفى كل ضيقة مهما كانت الشدة اومهما تأخر الرب لا يفقد الامل ابدا )
" من اقوال قداسة البابا شنودة الثالث"
( لا تهتموا بشىء لا تضطربوا امام هموم الحياة لان سلام الله قادر ان يحفظ قلوبكم فقط سلموا انفسكم له مثلما يسلم الاطفال انفسهم لوالديهم لان الانسان المضطرب يصاب بالامراض النفسية الخطيرة )
"من اقوال القديس مار اسحق "
( مهما كانت مشاكلك اذا ثقل عليك الفقر او فقدت وضعك العالمى اواصابك مرض او ضعف او اثقلت عليك الهموم.. اسعى الى السلام الداخلى الذى ستجده فى تعاليم السيد المسيح ووصاياه التى تجعل نفسك فى هدوء وسلام داخلى )
" من اقوال الانبا اشعياء الاسقيطى "
الرب قادر ان يعطيكى سؤال قلبك حبيبتى نسرين
بشفاعة ام النور القديسة العذراء مريم
وشفاعة جميع الشهداء والقديسين
:o

[طالب صلاة]

بركة شفاعة العذراء مريم والقديس أغسطينوس والقديسة يوستينا
تكون معكى

[niso]

مش عارفة اقولك ايه اخواتي على كل الحب ده
كلماتكم معزية كثير

كل سنة وانتم طيبين

[شـيري ني ماريا]

نسرين انت طبعا عارفة اني نفس ظروفك
انا كنت زيك كدة في الاول الموضوع دة كان هو كل حياتي كان هو محور تفكيري كان اي موقف يعدي علية اقوم اركبة علي هذة الظروف
واجلس ابكي بالساعات وكنت طبعا اقعد اقول لربنا لية انا بالذات
وياما روحت لدكاترة كتييير وكل واحد يعيب علي الدكتور اللي قبلة
وكل واحد يكتب علاج شكل ويطلب تحاليل شكل
والمضحك في الاخر اني مش عارفة لحد وقتنا هذا اية هي المشكلة
ولو في مشكلة اصلا او لا
لكن صدقيني الشيء الوحيد الي جربتة وارتحت علية جدا
هو اني بطلت اروح لدكاترة تاني
ورميت كلة علي ربنا وقولتة وقت ماتعوز انا هاعرف
انا مش هاروح لدكاترة تاني
انت طبيبي وعارف اية الي يناسبني
وقت ماهتأذن هايكون علطول
ارمي حملك علية صدقيني مش هايفرق معاكي كلام الناس تاني زي ماكان بيفرق معايا في الاول
ومش هاتبكي تاني الا قدامة هو بس
وهو طبعا احنا مش هانهون علية
وانا متأكدة وواثقة انة هايفرحنا قريب
لانة هو الدكتور المشهور اللي مابيغلط
ابدا

[هدى صليب]

[SIZE="6"]الف مليون سلامةعليكى يانسرين انتى وشيرين
بركةالمسيح و شفاعةالعدرا و القديسين تكون معاكم وتشفىكل مرض وكل ضعف
ملقين كل همكم عليه وهو يعولكم[/SIZEsaleb

[جراح حبيبى]

حبيبتي نيسو القي كل حمولك علي الله فهو يعولك صدقيني اعملي اللي عليكي وسيبي الباقي علي ربنا المهم هو انك تكوني مؤمنه انه يقدرزي اقال ان امنتي ترين مجد الله
ربنا يكون معاكي ويجدد الامل ديما جواكي بركة ام النور ومارمينا والبابا كيرلس وابونا يسطس

[niso]

شكرا شكرا شكرا اخواتي على كلماتكم وصلاتكم من اجلي
اختي شيرين الموضوع مبقاش نفس الي انتي قيلاه بالظبط
ده بقى جزء من الموضوع والموضوع الى بطلب الصلاة من اجله
اني محتجش لعمليات جراحية في الغدة النخامية

ربنا معاكم ويعوضكم

[شـيري ني ماريا]

اة حبيبيتي ربنا يشفيكي
القي كل همك علية
وهو يعتني بيكي
هو قال كدة
بشفاعة حبيبيتي العدرا
وحبيبي ابي سيفين يشفيكي
ربنا معاكي وطمنيني عليكي