مشكلتى فى الدراسة والمدرسة

[marina S]

سلام الرب معاكم
انا عندى 15 سنة ورحت اولى ثانوى السنة دى ومشكلتى انى فى مدرسة خاصة واصحابى قليلين وكلكم عارفين ان الدراسة بدأت من اسبوع.عندنا بقى فى المدرسة فى كل مرحلة جديدة بيلخبطوا الفصول ويوزعوها وانا اتعودت على اصحاب معينين بس للاسف ماكملوش فى المدرسة.لكن ليا زملاتى اللى اعرفهم لكن للاسف اتحطوا كلهم فى فصل واحد مع بعض وانا اتحدفت فى فصل معرفش فيه ولا واحده ومعظمهم un .وفصل كله رخم جدا وبارد وانا مش بعرف اتعرف على حد خالص بجد مش عارفه اعمل ايه.والمشكلة كمان ان صاحبتى الانتيم خرجت هى كمان.وانا كنت متعودة عليها مع انى صليت ان ربنا يحطنى فى فصل مع اصحابى لكن دى تانى مرة ربنا يكسفنى فى الطلب ده مش عارفه ليه؟ مش عارفه ليه دايما حظى وحش!!!
وخايفة جدا السنة دى والمواد صعبة ومش عارفه اذاكرها بجد انا هضيع مش عارفه اعمل ايه
صلولى وارشدونى
df+:5

[cendrella]

كل سنة وانتى طيبة حبيبتى مارينا بمناسبة بداية الدراسة ربنا يكللك السنة دى وكل سنين حياتك بالنجاح ياقمر
بصى يامارينا الواحد طول ماهو عايش هينفصل عن ناس كتير كان بيحبهم ويصادف ناس تانية جديدة فى حياته دى سنة الحياة ياحبيبتى واحنا لازم نتقبلها ونعيشها مهما صادفنا من مشاكل وعوائق ولازم كمان نثق فى ارادة ربنا وان كله للخير وان ربنا بيخاف علينا اوى ودايما بيعمل الصالح لينا فى حياتنا حتى ان كنا مش شايفين كدا دلوقتى لكن هيجى يوم وتعرفى ان ارادة ربنا دايما هيا الافضل ليكى حتى لو كانت عكس ارادتك وكمان ياقمر لازم نحط فى بالنا ان ربنا مبيكسفناش لما بنطلب منه طلب وميلبيهوش لا طبعا دا اكيد شايف انه الافضل لينا .
بصى ياقمر انتى فى فصلك الجديد تحاولى تتعرفى على اصحاب جداد من المسيحين وبردو تتعاملى عادى جدا مع ال un ولكن فى حدود الزمالة بس منتخالطش زيادة معاهم وتحاولى بقى تختارى من بين المسيحيين اللى فى الفصل صديقة جديدة تكون مناسبة ليكى وتبتدى معاها من جديد وطبعا اكيد هتتقابلى مع انتيمتك الاولى واصحابك التانيين اللى فى فصل مع بعضهم فى البريك او فى اى حصة بالصدفة وممكن كمان تشوفيهم فى الكنيسة او الدروس يعنى مش هتغلبى ممكن تكلميهم على الشات او تيلفونات يعنى متقطعيش علاقتك بيهم لا طبعا يبقوا موجودين فى حياتك بس متوقفيش حياتك عندهم وتقعدى تندبى حظك انك مش معاهم
انتى شكلك كدا بنوته جدعة واجتماعية وبتحبى الناس اعملى صداقات جديدة مع ناس جديدة بس مش مع اى حد اللى تحسى انه مش كويس ابعدى عنه على طول
ربنا معاكى ياحبيبتى ويوفقك ومتخافيش ربنا مش هيسيبك طول ماانتى معاه ومسلماله حياتك هو هياخد باله منك كويس اوى وهيكلل مجهودك بالنجاح الباهر
اما بالنسبة لصعوبة المواد احنا اولاد ربنا مفيش حاجة تصعب علينا دايما نبدا يومنا بالصلاة ونقوله يارب اشتغل معايا وسهلى الصعب ونعمل اللى علينا ونسيب ارادة ربنا تشتغل
ربنا معاكى ياقمر
:o

[noaa]

ربنا معاكى حبيبتى ومتخافيش من حاجة
ربنا حنين وهيقف جنبك واختى سندريلا قالتلك اللى عايزة اقولهولك
ربنا معاكى ويسندك ببركة ام النور

[اعنى فانتصر]

http://img223.imageshack.us/img223/5052/0beaf8efc1tp6.gif


ربنا معاكى اختى مارينا
ويرشدك وينور ليكى طريقك
ويديكى سوال قلبك
ودايما فى نجاح وتقدم
وبركه ام النور
وسريع الندهه معاكى

[بنت اله كل نعمة]

اختى الغالية مارينا
مارينا قبل ما اقولك اى شىء .... احب اؤكد لكِ اننا كلنا هنا اخواتكِ وبنحبك وهنقف جنبك
حبيبتى .... انا عارف انكِ طبعاً محتاجه لاصدقاء وصعب فعلاً ان الشخص ينفصل عن اصدقاءه
بس عايزه اقولك ان مجال المدرسة مش هو المجال الوحيد اللى تحتفظى بيه بالصداقة .... قصدى انكِ ممكن تستمرى فى علاقتك مع اصحابك وتقابليهم فى الكنيسة ...فى البيت .
بس كمان لازم تعرفى ان اصحابنا والناس من حوالينا لا يملكون ظروفهم ولا حتى نحن نملك ظروفنا ..... بمعنى انه كتير بننفصل عن احبائنا لظروف خارجه عن ارداتنا او اردتهم
بس صدقينى الرائع جداً ان الرب يسوع بيعرف يعوضنا بعلاقات جميلة تانية وبعلاقته العظيمة معانا
فصلى واحنا هنصلى معاكى
ان الرب يرسل لكِ اصدقاء جدد وان علاقتكِ مع الرب يسوع تزداد وتتعمق
فهو المحب الالزق من الاخ

** ومن فضلكِ يا مارينا انا حبه اطمئن عليكى
فأرجوكى اكتبى لىّ
اختكِ فى المسيح
بنت اله كل نعمة