الزواج عبر الانترنت

[د. حازم]

مع إنتشار الانترنت و برامج الدردشة، حصل تعارف كتير بين شباب من الجنسين.
و فى حالات كتير قوى - أعرف منها شوية حالات - بيحصل تعلق بين الجنسين.

السؤال بقى:
ماذا بعد التعلق؟
هل تؤيد الارتباط الالكترونى عن طريق الانترنت؟
و هل يمكن أن ينتج عنه زواج ناجح؟

[warsbut]

من طرفى انا لا أؤيده
لمنى فى بعد المعلومات
من طرفى انا لا أعرف ماذا يحصل فى هذا الحاله
لانى لما بدخل إنترنت بدخل لهدف معين وليس شات
اذا كنت فى سيبر انترنت نت
فعلا ادخل شات وبالتحديد الشات الاجنبى لمعرفة اللغة الاجنبية
اما اذا كنت فى بيت او مكتب لا ادخله نهائى
لان هذا ملكى واحب استفيد من الانترنت من المعلومات الموجودة والابحاث
اما اذا كنت تريد رأى فى هذه المسئله لا افيد لانى لم اجربة سواء فى الحياة او عبر الانترنت
وربنا يعوضك

[الرب قريب]

انا اعرف قصه لواحد صاحبي بس هو ليس مسيحي
اتعرف علي بنت علي الهوت ميل البنت ديه مش مصريه (مغربيه) وحبها وحبيته وفعلا جات مصر واتجوزو ولحد دلوقتي متجوزين


واعرف ايضا قصه تانيه لواحد صاحبي بيدخل علي الشات كتير اتعرف علي وحده بارضو مغربيه هي حبيته لكن هو محبهاش لكن بيقولها اني بحبك البنت ديه اتصلت بيه وقالته انا هجي مصر علشان اقابلك وقالته المعاد هو نسي المعاد ده لحد البنت مانزلت مصر واتصلت بيه قالتو انا في مصر ونازل في لكنده وقالتوه اسم الكنده وكل حاجه عن مكان الكنده ديه بعد وقالتو هسافر بعد 3 يام اول ما قفل السكه معاها قفل الموبيل بتاعه لمده 3 ايام وبعد كيده فتحه ودخل علي النت بعدها بيومين دخلت هي علي النت وفتحتله كميرا وبقيت تعيط صاحبي قافل الهوت ميل وعمل واحد جديد
انا باقول ممكن يجوز الجواز علي النت بس مش في كل الحالات
مشكور يا دكتور علي الموضوع الجميل ده
ربنا يعوضك

[noaa]

اخويا د\حازم انا فعلا بشكرك على المواضيع اللى فعلا بتمسنا كشباب.....والموضوع المرة دى خطير جدا واسمحولى اخواتى اقول راى بكل صراحة:
*سبق وقلت راى فى موضوع الجواز وانى افضلة عن حب وبشروط ووضحتها بالتفصيل فى الموضوع دة....ولكن النهاردة الموضوع مش هيختلف كتير كلنا كنا بنسمع زمان وبنشوف فى الافلام القديمة عن الخاطبة!!!!!! انا بعتبر الانترنت زى الخاطبة لو تم الجواز وهديكم مثال واحد اتعرف على واحدة عن طريق شات او منتدى او غيرة عرف سنها وعرف شخصيتها واعجب بيها وهى من غير ما توريلة صورتها وافقت علية هى مش خسرانة حاجة قاعدة معززة مكرمة فى بيتها وضيف جاى يزورهم وقالت لابونا ولاهلها وجة فعلا واتقدم رسمى ومن هنا بتبتدى الخطوات الصح والسؤال على بعض وهكذا....) اعتقد دة الشكل الطبيعى لجواز الانترنت اللى انا موافقة علية.........ومن هنا بقى بيبقى زى جواز الصالونات اتنين شافوا بعض وارتاحوا لبعض وفية تكافؤ بينهم واكيد هيبقى جوار ناجح.
*تعالوا بقى على موضوع شاب وشابة اتعلقوا ببعض عن طريق النت.......دى اسمها خيبة لان هنا الشاب او الشابة اتعلق بحاجة وهمية عن طريق الانترنت وبقت عادة يقعد يتكلم معاها بالساعات وهى هكذا وناس كتير بتضيع نفسها بسبب الوهم دة..... قبل الحب والارتباط لازم التاكد من شخصية المتكلم ماممكن كداب او مريض نفسى او اى افتر اضات للاتنين هديكم مثال حقيقى انا سمعتةواحد عايش برة ارتبط ببنت من مصر وحبها وهى حبتة واتفقوا على الجواز وقعدوا سنة يحبوا بعض ولما جوم يفتحوا الكاميرا لبعض اكتشف انها اختة وهى اكتشفت انة اخوها اللى مسافر بقالة سنة) وامثلة كتير ...شفتم الخيبة .....ماينفعش اقعد احب او اتعلق بشخص وهمى اللى عايز يرتبط يمشى رسمى....الجواز لية اسس ومعايير
وارجع انصح اخواتى البنات لو سمحتى ماتمشيش ورا عواطفك واحتياجاتك حكمى عقلك قبل قلبك

[د. حازم]

بجد بجد آراءكم أثرت الموضوع جداً جداً.
ألف شكر لكل من أجاب بإيجابية: noaa و الرب قريب و warsbut

[alambratoria]

موضوع جميل جدا يا دكتور/ حازم بل هو موضوع العصر
اوافق الاخت noaa في المبدأ علي اساس انه يتم التعارف علي الانترنت بحيث يكون التعارف صريح وصادق وحقيقي ثم يظهر في النور فيعرفه اهل الطرفين ويكتمل بجواز الصالونات وان كان هذا النوع الجديد قد جمع بين جواز الصالونات وجواز الحب وكان متكافي وعقلاني وصريح فماذا نرفضه؟! ،، وربنا يوفق والذي جمعه الله لا يفرقه انسان

[د. حازم]

ألف شكر لك يا alambratoria على رأيك.
و منتظرين مشاركة باقى الأعضاء.

[warsbut]

دعونا نتكلم صرحتا فى هذا الموضوع ( موضوع الجواز بالتحديد )
أولا فى الموضوع الذى طرحة الدكتور حازم جواز صالونات ولا جواز حب والان جواز الانترنت
1 - جواز الحب
هل جواز الحب الان معقول
فلنقل معقول هل تدرى ماواراه
الشاب اليوم يكون عاوز يكلم فتاه او يتعرف عليها يدخلها عن طريق الحب ....!!!! ؟
هل الحب متكافىء بين الطرفين فى جميع أجوائه
فلنقل الان الواقع الموجود الأن
اذا كنت تريد الارتباط
نعم اريد وتقابلت مع فتاه من سنى او اصغر منى سننا الفارق سنة والى ثلاث سنوات
هل الأسرة توافق
لا أعتقد
وتقولك خد واحد اصغر منك بخمس نوات والى عشرة سنوات
صح أم انا غلطان
2 - جواز الصالونات
كيف يتم
بيتم عن طريق معرفة الاسرة ثم الاسئلة عن الفتاة واسرتها
فإذا توافقت الشروط المطلوبة
يتم التقدم ثم يتكلم مع الفتاه مرة واثنين وثلاثة إذا توافقا بيضع هدية على الصينية التى بها المشروب وبيكون كده الموافقة على الفتاه ( ملحوظة بيتم أكثر من مقابلة قبل الخطبة )
3 - جواز النت
لا يجوز إطلاقا يوجد به عيوب كثيرة جدا ولا أريد تحديدها
فلندع هذا الكلام بين الشباب او الشبات المتابعين على الشات ويقوموا بالرد علينا فى هذا
هذا الكلام وجهة نظرى الشخصية ولا أبدى برأى أى شخص أخر
وربنا يبارككم

[alambratoria]

برده وجهة نظر ليست بقليله
بس كنت احب اعرف ايه هي الهديه اللي هايحطها علي الصينيه ؟؟؟;) لو الهديه كبيره شويه ممكن يجبوا ترابيزه كبيره؟؟ انا خايف الجوازه تضيع علشان مفيش مكان مناسب للهديه!! :o
وده مجرد رأي شخصي :D

[warsbut]

برده وجهة نظر ليست بقليله
بس كنت احب اعرف ايه هي الهديه اللي هايحطها علي الصينيه ؟؟؟;) لو الهديه كبيره شويه ممكن يجبوا ترابيزه كبيره؟؟ انا خايف الجوازه تضيع علشان مفيش مكان مناسب للهديه!! :o
أخى فى المسيح الامبراطورية
الهدية المقصود بها كلامى
سيعلمها جميع المتزوجين سيفهمون المقصود
فأكيد انت شاب ولست متزوج
ومعلومة انا شاب ولا أحبز الجواز الان
وربنا يباركك

[alambratoria]

اعتقد ان الموضوع مطروح لغير المتزوجين ،،المتزوجين هايعملوا ايه بالموضوع :)
وبعدين انت غير متزوج ولا تفضل الزواج كويس انك قاعد بعقلك ،،:p
وانا كاتب تحت في الموضوع انه راي شخصي واعتقد ده مش يزعلك حبيبي ،، ربنا يباركك :o

[الرب قريب]

ايه فيه يا جماعه مالكم هتزعلو ولا ايه ما عن حتي حد اتجوز يا عم احسن من العزوبيه مافيش واسالوني انا مجرب الكلام ده
اسال استاشير

[alambratoria]

برده وجهة نظر ليست بقليله

[د. حازم]

شكراً لآراء الجميع الذين ناقشوا الموضوع بموضوعية، و الذين أضفوا عليه جو من المرح بقفشاتهم.
و لكن دعونا لا نخرج عن الموضوع الرئيسى، و الموضوع مطروح للجميع.
المتزوج يمثل عنصر الخبرة، و الغير متزوج يمثل عنصر الشباب.

[alambratoria]

شكرا د/ حازم وربنا يعوضك خير ،، ويا ريت نشوف مشاركات باقي الاخوه الاحباء

[واء واء]

طيب لو العريس هندي وجايب الهديه فيل يعملوا
اييييييييييييييييه ؟

[واء واء]

نقول كلام جد

في الافلام القديمه
كان في حفلات تنكريه
ويدخل الاتنين بالماسكات كل واحد فيهم بيرسم شخصيه نفسه فيها

والتاني يلاقي الشخصيه اللي نفسه يرتبط بيها

يحبوا بعض

الحفله تاخدلها ساعتين تلاته
يكشفوا الماسكات

احتمال يستمر الاعجاب واحتمال ينتهي مثلما بدأ

لو الاعجاب استمر بيتعارفوا ويفضل كل واحد يكمل التمثيليه اللي بدأها

ويتفقوا علي الجواز

بس الاكيد ان كل واحد هيكشف شخصيته الحقيقه في وقت ما قبل اوبعد الجواز
والاتنين يصدموا في اختياراتهم

بعد خمسين سنه

سنه بنكرر نفس الفيلم

كلنا لابسين شاشات كومبيوتر الوانها ممتازه والروزوليوشن عالي

كل واحد وعلي حسب سعه الهارد بتاعه بيقول امكانياته

نتعرف علي بعض

تيجي البنت تحكي لامها عن العريس اللي جاي يزورهم من كوالالمبور

هيييييييييييييه
انا اعرف واحد اسمه واء واء
من عائله اورثوذكسيه متدينه جدا
وشكله واد علامه
هو غتت احيانا لا يمكن غتت كتير
بس شكله قلبه ابيض
واد ايه ما حصلش
هو بيقول ان جده لامه كان باشا سابق
وجده لابوه كان بواب عندهم
ابوه حب بنت الباشا
وبنت الباشاسابت ابن عمها سفير الصين في الهند علشانه

اخوه كان متخلف عقليا بس ربنا كرمه وبقي مستشار كبير
واخوه الكبير اللي رباه بعد ما جده انتحر في حرب الفيل كان عالم فضاء في موسكو

عارفه من كتر حبي ليه
باشوفه في الكامير احيانا سلفستر ستالوني
واحيانا بيبقي شبه جاكي شان ويروح قالب علي الان ديلون في ثواني

كتير باشوفه شبه بنيدكت
ومره جاني منكوش كان يومها اينشتاين

ايه رايكو في العريس ده ؟

نحكي عن العروسه
..................
لا خليها مفاجئه

[alambratoria]

بصراحه لقطه يا واء واء ربنا يتمم علي خير ويجعله عامر

[د. حازم]

ننتظر آراء باقى الأعضاء.

[الرب قريب]

ايه هو مافيش اعضاء تاني ولا ايه

[د. حازم]

تقريباً هم دول كل اللى بيشاركوا فى أى موضوع.
فيه أعضاء مش بتحب تشارك، بيحطوا مواضيع و بس.

[ارسانيوس]

انا لا اووايد اطلاقا لماذا؟
لان كل من الطرفين سيظهر كل ما هو جيد لدية من تصرفات
بالرغم من انى اريد معرفة كل شى عن شريكى وهذا مستحيل يحدث على النت

[د. حازم]

شكراً يا أرسانيوس على مشاركتك الايجابية.

[kimi]

الزواج مبنى على الصراحة لو كلا الطرفين اتفقوا على الجواز عن طريق النت يبقى دة لازم فى النور والدعوة عامة

[mernil2010]

مساء الخير اخواتى الشباب و الشابات
لى تعليق بسيط جدا و لكنه هام جدا
( الهدف اهم من الوسيلة )
بمعنى
ان مش مهم طريقة التعارف و لكن الاهم انى اعرف اختار صح هل الانسان ده موافقنى و لا لا لكنى ممكن ارتبط بحد من كنيستى و لكن الانسان مش مناسبنى و ممكن اتعرف بيه عن طريق النت و لكنه هو الانسان اللى يناسبنى فى ظروفى و امكانياتى و ممكن يبقا جاى عن طريق الكنيسة و لكن ما يكنش انسان كويس و ممكن يكون انسان جاى عن طريق الانترنت او جواز صالونات و يبقا انسان كويس جدااااااااااا
شكرا و ربنا معاكم جميعا
و يكون معاكم ما يكون عليكم ابداً

[beshoy_sa]

انا علي فكرة بقول ان جواز الحب دا احسن جواز لاني انا بحب واحدة معايا فيالكلية هي اصغر مني بسنتين بس انا خطبتها رسمي علشان مش عايزها تكون لحد تاني مع ان هي كمان بتحبني بس المفرود انة يكون فية خوف من الطرفين علي بعض يعني انا علشانخايف عليهاوعلي كلام الناس طبعاانو عارفين الجامعاة قمت خطبت رسمي علشانمحدش يتكلم وربنا يساعدين واقدر اكون علي قد المسؤولية
بالنسبة للجواز علي الانتر نت دامش حلو خالص انا كنتاعرف واحدة علي الانتر نت وشفتها من مصر بس ماكانش كلامها زي ما كان علي النت يا اخوانا الكلام غير الكتابة فية فرق
ربنا يعوضكوا

[hedra_alwa7sh]

انا اؤيد بس ليا بعد التحفظاااااات
انا بحب التعارف عن النت
بس لازم يكون فية صراحة ولو قررت ارتبط بواحدة من النت
هقابلها لان الكلام ع الشات غير المواجهة
هقدر احكم علي شخصيتها واتعرف علي شخصيتها اكتر
وبعد كدة اقدر اقرررررررررر
وربنا يعوضكم

[gawargy]

المشكل يا اخوتى الاحباء لازم نعرف ايه هو الزواج وبكده هنعرف ازاى واى طريقة ممكن نسلك فيها
اولا الزواج سر من اسرار الكنيسة السبعة
الزواج اتحاد بين قلبين مجتمعين متحابين برباط ابدى مع المسيح
فهل الزواج عن طريق النترنت يحقق هذا
هل يحقق التعارف المباشر والشعور والتفاعل بالاحاسيسوالفعل ورد الفعل
ام هو تعارف موجه لهدف بهدف واحد وهو الدردشه
اين التفاعل النسانى فى تواصل النت
هل يكون بالكلام فقط؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الزواج اسمى من مجرد تعارف
انه رباط الروح القدس
يمكن ان يفيد الانترنت فى تحقيق فرصة تعارف طبيعى ومن بعدها الزواج
لكن لا اعتقد بصحه الزواج عن طريق النترنت

[gawargy]

المثل بيقول تعرف فلان
اعرفه
عاشرته
لا
تبقى متعرفوش
اعتقد ان المثل واضح جدا

[جورج]

الزوج عبر االانتر نت مشروع ناجح بنسبة 1% بجد

[alambratoria]

الحب مش كلمة حلوة وشوية دموع
الحب مش شجـرة من غيـر فــروع
الحب مبدأ وعن المبدأ مفيش رجوع
الحب الحقيقي ظهر لما مـات يسـوع

[benteln3ma]

أول حاجة باشكر حضرتك كتير دكتور حازم لأنك أثرت موضوع مهم زي ده
ربنا يبارك حياتك ويعوضك

رأيي في موضوع الزواج عبر الإنترنت : إنـــــه مــــــاينـفـعـــــش إطـــلاقــــــــــــا

لأن أي اتنين بيتعرفوا علي بعض من خلال غرفة أو منتدي أو حجرات الشات ........... إلخ بيكون التعامل بينهم من خلال شاشة وده بيخلق نوع من الغموض في بعض الأمور ده إذا ماكانش في كل الأمور.

ده غير إن معظم اللي بيتعاملوا من خلال شاشات النت بيكونوا عايشين في وهم كبير ومابيظهروش حقيقتهم للطرف التاني وبمعني أصح مابيظهروش غير الجانب الإيجابي بس اللي في شخصيتهم ولما بيتقابلوا علي الطبيعة مابيظهرش منهم غير الإسلوب الرقيق .. الذوق .. الجينتل اللي ممكن مايكونش ده حقيقتهم واللي بيكون مصطنع أحيانا.

والحياة الزوجية لو قامت علي جزء من الوهم أصبحت حياة فاشلة لأنها ماقامتش علي الأسس السليمة المطلوبة واللي أولها الصــــــراحــــــة الـتــــــامــــــــة . وماأكثر سمعنا بمشاريع الخطوبات التي تتم عن طريق تعارف الإنترنت ولكنها للأسف تنتهي بالفشل.

ومن الممكن ان اي اتنين يحبوا بعض من ورا الشاشة ويفضلوا عايشين علي أمل انهم يتقابلوا لغاية ما ييجي اليوم اللي يتقابلوا فيه اول مرة ممكن مايكتشفوش في بعض اي عيوب تاني مرة ممكن يكتشفوا عيب واحد والمرة اللي بعضها عيبين لغاية ماييجوا في مرة كل واحد منهم يكتشف ان الانسان اللي كان بيتعامل معاه ده مليان عيوب ماينفعش يرتبطوا ببعض بسبب العيوب دي لان كل واحد منهم لقي قدامه انسان تاني خالص مخالف للإنسان اللي كان بيكلمه من ورا الشاشة يبقي ماكانش له لازمة من الأول

وتعاملات الإنترنت من الممكن أن يطلق عليها لفظ صداقة أو أخوة ولكن لا يتم النظر إليها من الناحية الرومانسية وهذا من وجهة نظري

نصيحة لكل اخواتي : لا داعي للإنسياق وراء المشاعر لأن المشاعر أحيانا تقود صاحبها للخطأ والوهم إلي أن يصطدم بالحقيقة المرة.
ربنا يبارك حياتكم ويكون معاكم
اذكروني في صلواتكم










___________________________
† أستطيع كل شئ في المسيح الذي يقويني †


http://img404.imageshack.us/img404/8538/smallgirlllllwl5.gif

[alber_love jesus]

موضوع جميل
بي انا عن نفسى لا اؤيد الزواج عن طريق الانترنت
ممكن التعارف وكمان مش مضمون لكن الزواج مينفعشى لانه دة رباط مقدس
مينفعشى انى اتجوز واحد كل علاقتى بيها هو تعارف نت وبس
لازم نكون نعرف بعض كويس جدا واعرف اخلاقها وطبها وهى كمان علشان ما يبقاش فى مشاكل بعد الجواز
وزى ما قال سيدنا الانبا ويصا " اللى يوقع مينفعشى يقوم تاتى "
بمعنى ان اللى يتجوز ما ينفعشى يرجع
من يضع يده على المحراث لا ينظر الى الوراء

[ava_ebram]

انا يمكن ديا اول مرة اشارك معاكم في المنتدي ولو اني مشترك من فترة انما كنت اكتفي بالمتابعة للموضوعات الثرية واللي الواحد بيتعلم منها انما حبييت النهاردة اشارك انا في الاول كنت ارفض موضوع الارتباط عن طريق النت دة ولاني ليا واحد صاحبي اتعرف علي انسانة من النت وهو كان بيشتغل برا مصر وبالفعل جة وخطبها ولكن الموضوع ماتمش وعلي فكرا انا مش صغير انا في بداية !!!! ولا مافيش داعي :eek: المهم ومن فترة بسيطة ابتديت اغير فكرتي عن الموضوع وخصوصا اية المانع لو كانت النت هي وسيلة البداية وبعد كدا يتحول التعارف ويبقي بمعرفة الاهل والكنيسة يعني يبقي جواز صالونات وخصوصا للناس الي خلصوا جامعة ومابقاش ليهم نشاط معين في الكنيسة يادوب بيرحوا علي اد القداس ويمكن كمان مايكونش ليهم قرايب يقدروا يساعدوهم علي الاختيار يعني مافيش فرصة كدا انهم يقابلوا حد يعجبوا بية ويرتبطوا انما لو المضوع هايبقي مجرد حب ومشاعر علي النت يبقي مالوش لازمة يعني اية المشكلة لو كانت النت هي وسيلة البداية ولكن بردوا لاعترف هي هاتبقي حالات قليلة الا لو عارفيين فكرة جات علي بالي وانا بكتب الموضوع لية مايتعملش موقع لايتم الاشتراك فية للاافراد الا عن طريق كنايسهم علشان فكرة المصداقية ويبقي للناس اللي عاوزة ترتبط ويمكن بقي عندها 28 سنة او 30 سنة ولسة يا اما لاي ظروف او لانهم مش قادرين يلاقوا شريك الحياة وانا بقول الاشتراك في الموقع عن طريق الكنيسة لية علشان يبقي بمعرفة الاب المسئول او الخادم وطبعا بجواب من اب الاعتراف يعني مجتمع واسع وكبير ولكن محكم باشراف كنيسة مش يمكن الناس تلاقي في حاجة زي كدا شريك حياة علي العموم الموضوع مش سهل ومحتاج مناقشة كتيرة وجميلة اوي المواضيع ديا ومهمة جدا جدا وصدقوني انا كمان محتار في الاخر اكيد لازم ربنا يبقي لية دور من خلال الصلا وياريت كمان نفتح مواضيع عن الشبكة والترتيبات وحفلات الخطوبة والفرح صدقوني ديا منطقة حيوية لناس كتيرة جدا ومافيش اجممل من منتدي مسيحي الناس تتناقش فية من منظور مسيحي وربنا يرتب كل خير لولادة وارجوك ان تكون مشاركتي اسهمت باضافة ولو صغيرة

[قيثارة داود تبكى]

انا عجبنا واى تعليق نوئة
فى الموضوع دة
بس اهم حاجة فى الموضوع دة انت بتحب مين دة مسيحى حقيقى ولا بيدعى كدة
طيب اخرتها اية
الموضوع دة عاوز تائنى وحزر

[مورا قلب يسوع]

انا حاسه انه مسئله نسيبيه يعني على حسب كل شخص اذا كان صادق في كلامه ولا بيتسلي ومظنش يعني انه في واحده او واحد لسه عبيط / عبيطه هيفضلوا يحبوا في بعض عن طريق النت وبس اكيد هيكون في مقابلات وعن طريق ده كل واحد يقدر يشوف اللي قدامه اذا كان صادق ولالا بس المهم انه مشاعرهم متندفعش بسرعه منن غير ما اتعرف عالطرف التاني كويس عشان مرجعش اندم بعد كده
واغلبية العلاقات فى الوقت الحالى دة بتنجح عن طريق الانترنت
ولو قولنا النت وحش طب ما فى ناس بتشفوها قددامكم ونتعامل معاهم وبعد ما نرتبط بيهم نلاقى صورة تانيه غير اللى عرفناها هى الفكره والسؤال ازاى اعرف اللى قدامى ده كداب ولا صادق ؟
. يعني اية المشكلة انة واحد وواحدة اتعرفوا عالنت و هما الاتنين صادقين وواضحين و متدينين جدا و أولاد ربنا كمان

استريحوا لبعض و اخدو ااموضوع جد من الأول. واتقابلوا في الحقيقة فعلا واتعرفوا علي بعض أكتر... والموضوع كمل بشكل رسمي.. وبردو مافيهوش حاجة غلط

و ممكن ف حالة تانية نلاقي ان البنت او الولد بيتسلوا و بيضحكوا علي بعض..

انا شايفة ان كلها طرق للتعارف.. بس المهم ان الطرفين في الاخر سواء بطريقة النت او بأي طريقة تانية ياخدو الموضوع بجد ويبقي فية مساحة اكبر و أوضح للتعارف( غير النت طبعا) وبطريقة طبعا متزعلش ربنا
ميرسى ربنا يباركك

[ميرى مرمر]

جواز النت والتعارف من علي النت
انا حاسه انه مسئله نسيبيه يعني على حسب كل شخص اذا كان صادق في كلامه ولا بيتسلي ومظنش يعني انه في واحده او واحد لسه عبيط / عبيطه هيفضلوا يحبوا في بعض عن طريق النت وبس اكيد هيكون في مقابلات وعن طريق ده كل واحد يقدر يشوف اللي قدامه اذا كان صادق ولالا بس المهم انه مشاعرهم متندفعش بسرعه منن غير ما اتعرف عالطرف التاني كويس عشان مرجعش اندم بعد كده
الرب يباركك