ماذا تفضل؟ جواز حب ولا جواز صالونات؟

[د. حازم]

عزيزى الشاب/عزيزتى الشابة

فيه نوعين من الجواز بيتم بين الشباب:

جواز الحب: و فيه الشاب بيتعرف على الشابة سواء فى الكنيسة أو الجامعة أو محيط العائلة،
و بيكون بينهم تفاهم و تعارف و دردشة و تليفونات و خلافه،
و أحياناً تنتهى بالجواز.

جواز الصالونات: و فيه بيتم ترشيح بنت الحلال لابن الحلال اللى بيتقدم،
و يروح يشوف العروسة،
و إذا تم القبول المبدئى بياخد أهله و يتقدم رسمى للعروسة،
و يبتدوا يتعارفوا على بعض أثناء فترة الخطوبة،
و أحياناً ينتهى بالجواز.

بصفتك شابة و بصفتك شاب/
بتفضل أنهى نوع؟ و إيه مميزات و عيوب كل نوع؟

شكراً لمشاركاتكم.

[warsbut]

اشكرك يادكتور حازم على هذا الموضوع
اولا جواز الحب لا اعتقد جواز الحب مفيد لانى لا اعترف به ( وحزين على من يعرفة) لاكنى افضلة احيانا بعد المعرفة والتشاور والترابط الاولى
ثانيا جواز الصالونات اعتقد هذا الجواز مفيد شوية ويوجد به بعض النقص ( المفضل دائما فى الصعيد )
ثالثا اعتقد ان الترابط والمعرفة والتشاور الاول فى كلا الحالتين افضل بكثير من اى نوع زواج اخر مثل الذى اشرت عليه فى مقالك
فى اشياء اسمحلى لم اقصد استكمالها وبالتحديد الجواز الاول عن طريق الحب على القارىء فهما دون مشاركة ( ولا تقول لى لماذا )( لا اقصد سوء فهم الموضوع ولا استكماله )
وهذه وجهة نظرى الشخصية ولا اشير الى وجهة نظر شخص اخر
والرب يديم محبتك وخدمتك

[noaa]

موضوع جميل اوى لو اتناقشنا فية بصراحة وعقل
انا هتكلم من وجهة نظرى......
جواز الصالوناتhttp://www.maryohanaa.com/vb/images/icons/heart01.gif:دة مفهوش اى اعتراضات ودة سائد فى معظم الاوقات ومحدش بيعترض علية وبنقعد نقول النصيب والوقت اللى ربنا محددة ولو خير ربنا يقرب ومايمنعش انة برضة بيكون عن حبhttp://www.maryohanaa.com/vb/images/icons/heart01.gif بعض التعارف والقبول والموافقة
والسؤال طبعا من الطرفين.....وهكذا
"لِكُلّ شَيءٍ زَمَانٌ وَلِكُلّ أَمْرٍ تَحْتَ السَّموَاتِ وَقْتٌ" (جامعة1:3)
اما جواز الحبhttp://www.maryohanaa.com/vb/images/icons/heart01.gif: هتناقش شوية بصراحة ومحدش يضايق.......مع مراعاة ان لكل شىء مميزاتة وعيوبة:
الناس اما تسمع عن جواز الحب ...........ياخرابى:mad: الدنيا تقوم وتقعد:) ويختلفوا ويقولوا غلط وعيب لا صح وومالة
انا من وجهة نظرى .....http://www.maryohanaa.com/vb/images/icons/855.gifجواز الحب هو افضل جواز بس بشرط:
الحب دة بدا فين؟؟؟فى الكنيسة فى الجامعة ؟؟؟فى النت؟؟؟؟ :confused: اهم حاجة للبنت :اوعى تحبى ولا تفكرى فى واحد غير لما تتاكدى منة ولما الموضوع يبقى ماشى رسمى وفى محيط العيلة واباء الاعتراف او المرشد الروحى ليكم انتم الاتنين.....بمعنى متمشيش ورا مشاعرك وخلاص صحى عقلك واتصرفى بحكمة وخليكى ناصحة واوعى تنكسفى او تخافى انك تاخدى راى الاكبر منك سواء الام او الخادمة او ابونا بلاش صاحبتك عارفة لية؟؟؟لان اعمى يقود اعمى كلاهما يسقط فى حفرة.....صاحبتك ملهاش خبرة خدى براى ذوى الخبرة
انا بوافق على جواز الحب بنسبة 100%لو كان على اساس سليم زى ما قلت لان اللى بيعملhttp://www.maryohanaa.com/vb/images/icons/855.gif الصح مبيخافش من حاجة ولكن للاسف: فية شباب كتير بيضحك على البنات تحت ستار الحب المزيف ودة اللى بنبة علية البنت اوعى تمشى ورا عواطفك ومشاعرك واحتياجاتك......اهم حاجة راى عيلتك واب اعترافك اول ما تحسى انك منجذبة لاى شاب وهما هيساعدوكى

[د. حازم]

شكراً لمشاركاتكم و آراءكم، و سوف أقوم بتلخيص كلام حضراتكم فى نهاية ردود جميع الأعضاء.

[د. حازم]

ما هو يا إما كلكم متجوزين، يا إما كلكم مالكمش رأى، يا إما مش عارفين،
الله أعلم.
بس الغريب إن مافيش مشاركات.

[warsbut]

انا شاب وغير متزوج ولا افكر فى الجواز نهائيا الأن الى اذا حققت أمالى فقط
ولانى ايضا اعرف جميع المعرفة بهذا الأرتباط او بمعنى أخر الشركة الواحدة اى الأتحاد فى كل شء
وشكرا على ردك وربنا يديم محبتك

[د. حازم]

يعنى تفضل جواز الصالونات و لا جواز عن معرفة؟؟

[warsbut]

ثانيا جواز الصالونات اعتقد هذا الجواز مفيد شوية ويوجد به بعض النقص ( المفضل دائما فى الصعيد )
ثالثا اعتقد ان الترابط والمعرفة والتشاور الاول فى كلا الحالتين افضل بكثير من اى نوع زواج اخر مثل الذى اشرت عليه فى مقالك
وهذه وجهة نظرى الشخصية ولا اشير الى وجهة نظر شخص اخر

والرب يديم محبتك وخدمتك

[د. حازم]

شكراً لمشاركتك.

[alambratoria]

انا من رائ ذي ما قال القديس بولس الرسول عدم الجواز افضل وعلي راي احد الاباء في اي عرس يقول عبارته المشهوره في ضحك ودعابه " المغفلين ذادوا واحد "
انما ان كان علي الاختيار ما بين جواز الصالونات وجواز الحب فجواز الحب افضل اذا كان معروف اصلا ما المقصود من الحب وما هو مفهوم الحب عند الطرفين ،اصل الايام دي الحب بقي ليه معاني تاني خالص لا تمس الحب باي صله
الحب مش كلمه حلوه وشوية دموع الحب مش شجره من غير فروع الحب مبدأ وعن المبدأ مفيش رجوع الحب لما تجسد صار يسوع

[د. حازم]

الحب مش كلمه حلوه وشوية دموع الحب مش شجره من غير فروع الحب مبدأ وعن المبدأ مفيش رجوع الحب لما تجسد صار يسوع

حلوين قوى الكلمتين دول و ألف شكر لمشاركتك يا أخونا alambratoria.
بولس الرسول قال الكلام ده بمناسبة الاهتمام فيما لله و فيما للناس، و طبعاً غير المتزوج يهتم فيما لله أكثر من الانسان المتزوج.
لكن ما ننكرش إن لولا الزواج ما كانش بقى فيه لا بولس الرسول و لا غيره.
و لولا الجواز ما كانش بقى فيه الآباء القديسين الرهبان.
و إن كان الراهب بينال إكليل البتولية، فالمتزوج بينال إكليل الشهادة،
و على أفضل تقدير بيبقى من المعترفين.:)

[mora]

افضل جواز الحب بحيث يكون متكافيء وعقلاني وظاهر في النور وبمعرفة اهل الطرفين

[د. حازم]

شكراً يا mora لمرورك.
و رأيك جميل قوى و جدير بالاحترام
و منتظرين منك المزيد من المشاركات.

[بحبك يا عدرا]

السلام والنعمة

افضل جواز الحب طبعا . الحب هو الوسيلة الوحيدة التى تساعد على احتمال كل من الطرفين لبعضهما البعض ( احتمال المشاكل والحياة اليومية )
فهل اذا لم يوجد هذا الحب هل يوجد احتمال ؟؟ شكرا للموضوع الجميل دة

[الرب قريب]

افضل الجواز بلحب لان الحب هو اساس الجواز ولو لم يوجد حب قبل الجواز هتكون الجوازه تعيسه جدا جدا
وبعدين المسحيين معروفين بلحب الحب ده مولود في دمنا كلنا
مشكور يا دكتور حازم علي الموضوع الجميل ده

[شيرين شوقى]

الحياة التى تفشل هى التى تقوم على مجرد الإختيار العشوائى وبعد الزواج تنشأ الخلافات من حيث أن هناك
العديد من جوانب الشخصية بين الزوجين لم تظهر وهناك طباع وخصال لم تتوافق وعواطف تتنافر فى حين أن زواجنا المسيحى لا إنفصال ولا طلاق فيه إلا عند الزنا ... أذن هنا تكمن المشكلة .. ومن هنا تظهر البيوت المنقسمة
ولا أبالغ إن قلنا أن هناك العديد من البيوت المسيحية تتماسك من الخارج كمنزل ولكن من الداخل الشرخ عميق جدا .....
والمسيح هو الذى علمنا الحب .... والحب ليس عيباً بل ديناً لأن الله محبة ....
فلابد وأن تقوم الحياة الزوجية من أول لحظة على الحب ..
وهناك من نسمعه يقول
( الحب يأتى بعد الزواج ) طيب أنا وياك وإن ما جاش بعد الزواج ما الحل !!!!!!!!!!!
ليس الأمر تفاؤلاً أو تشاؤماً ولا يمكن أن نستخف بالأمر !! لأن البديل هو جحيم حقيقى يذهب ضحيته الزوجة والزوج والأبناء الذين ينشأون وهم مفتقرين للحب والحنان لأن فاقد الشئ لا يعطيه !!! وهنا تكمن الخطورة التى تنعكس سلباً على سلوكيات وأخلاقيات الأولاد بل ومستقبلهم ايضاً !!! الأمر جد خطير !!!!! فكر فى نهاية الطريق
قبل بدايته لأن (( نهاية أمر خير من بدايته )).
وهناك العديد من أمثلة الحب الطاهر النقى الحقيقى فى الكتاب ومنها :
ابينا إبراهيم وأمنا سارة
أبينا يعقوب وأمنا راحيل ....!!!
لذا ما الحل ؟....
أنا كشاب افضل الزواج بإنسانة احبها وتحبنى تقبلنى وأقبلها تشاركنى الفكر والوجدان والحياة كلها
وليس كما لقوم عادة !!!
والمهم أن تكون البداية فى الرب وعن طريق سليم وفى النور ولابد أن يكون ذلك مصحوبأً بالصلاة حتى يتدخل الرب لأن
(( البيت المبنى على الصخر لايسقط )) والمسيح هو الصخر ..........
وانا اشكرك أخويا حازم على هذه المواضيع الجادة الهامة .. الرب يعوضك

[د. حازم]

ألف شكر يا شيرين على مشاركتك الجميلة جداً.
و فيه كلمة حلوة قوى قلتها بتاعت:


وهناك من نسمعه يقول ( الحب يأتى بعد الزواج ) طيب أنا وياك وإن ما جاش بعد الزواج ما الحل !!!!!!!!!!!

[tonynice]

ومن لا يحب لم يعرف الله لان الله محبة. يو 4 : 18



طبعا جواز الحب هو افضل بكثير لان بالحب نعرف كل شئ وبدونه لانعرف اى شئ وفاقد الشئ لا يعطيه ومثل ما ذكر اخينا الاستاذ شيرين وإن ما جاش الحب بعد الزواج فما الحل !!!!!!!!!!!
طبعا بالنسبة لجواز الصالونات فهو غير كافئ انه الانسان يختاروله واحدة وبس من غير ما يشوفها ويقولوله شوف الصورة وبعدين تسمع الاراء ده يقول كويسه وده يقول مش كويسه هو احنا رجعنا لزمن سي السيد ولا ايه هذا الجواز غير سليم من وجهة نظرى .

[د. حازم]

شكراً يا tonynice على رأيك الجميل.
بس مش يمكن فيه حالات بتنجح فى جواز الصالونات؟؟؟
أنا أعرف حالات كتير ناجحة من بين الشباب و كان جوازهم جواز صالونات.

[alambratoria]

اختلاف الاراء لا يفسد من الود قضيه

[د. حازم]

طبيعى يا alambratoria
و أنا طرحت الموضوع ده و الموضوع التانى بتاع الزواج عبر الانترنت علشان نتناقش و نختلف و نشوف كل وجهات النظر.

[alambratoria]

يا ريت يا دكتور تكتبلنا موضوع عن المحبه ودرجاتها وصفاتها ربنا يعوضك خير محتاجين قوي نعرف معني المحبه ودرجات المحبه

[beshoy_sa]

اسمعو بقي الحب الصادق اخرتة ديما الجواز وبيكون احلي جواز في الدينيا يعني الاخ الي بيقول المغفلين زادو واحد دا علي جواز الصالونات الي مش عارف البطيخة قرعة ولا حمرا
لكن الي بيحب عارف طيبعة وشخصية الطرف الاخر وبيكونو متكاملينشكرا علي وقتكو ربنا يعوضكو

[beshoy_sa]

اشكرك يادكتور حازم على هذا الموضوع
اولا جواز الحب لا اعتقد جواز الحب مفيد لانى لا اعترف به ( وحزين على من يعرفة) لاكنى افضلة احيانا بعد المعرفة والتشاور والترابط الاولى
ثانيا جواز الصالونات اعتقد هذا الجواز مفيد شوية ويوجد به بعض النقص ( المفضل دائما فى الصعيد )
ثالثا اعتقد ان الترابط والمعرفة والتشاور الاول فى كلا الحالتين افضل بكثير من اى نوع زواج اخر مثل الذى اشرت عليه فى مقالك
فى اشياء اسمحلى لم اقصد استكمالها وبالتحديد الجواز الاول عن طريق الحب على القارىء فهما دون مشاركة ( ولا تقول لى لماذا )( لا اقصد سوء فهم الموضوع ولا استكماله )
وهذه وجهة نظرى الشخصية ولا اشير الى وجهة نظر شخص اخر
والرب يديم محبتك وخدمتك


بص بقي ياسيدي مع احترامي الشديد لرأيك انا من الناس الي خاطب عن حب وابتدت علاقتنا من الكنيسة علشان احنا خدام بس انا متفق معاك واحد في المية ان اغلب مثل هذة العلاقات بتفشل وبيكون نهايتهاالندم علشان مش بنقدم ربنا قبل كل خطوة نخطيها سكرالاتساع صدرك

[lovelycat_7]

الجواز على ما اظن انه يبقى ناجح لما يكون فى تفاهم و راحة نفسيه
الجواز عن الحب هو صح مش غلط و جواز الصالونات مش صح قوى لان مش بيبان كل واحد على حقيقته فى الاول

[medhat]

اولا بالنسبه لجواز الصالونات
الذى يجمعه الله لايفرقه انسان....... لكن عندنا حالات طلاق كثيرة لاتعد ولاتحصى
اذا نظراً لها بتعنى لوجدنا اغلبها بسبب عدم التفاهم او التقارب الفكرى او الثقافى وذلك يكون بسبب زواج الصالونات.
رغم منذ القدم زواج الصالونات موجود وهو زواج ناجح ولا يمكن ان نقول عليه مرحله وعدت رغم ان اكثر الزيجات الموجودة حالياً
فالزواج الذى يتم بعدم وجود الحب بين الطرفين قد يستمر للابد ويكون قوته اكبر من الزواج القائم على الحب
ثانيا بالنسبه لزواج الحب:ـ
قد لايعترف به اغلب صعيد مصر يعتبر هذا الزواج من وجهه نظر الكبار عيب كبير ولايمكن المغفرة لمن ارتكب هذا الجرم رغم اذا تقدم اهل الشاب لخطبه البنت يجدو ترحيب بدون مقدمات
لكن هل زواج الحب له قوة تجعله يستمر ؟؟
يمكن الحب القائم بين الشاب والشابه حب مراهقه ينتهى بمجرد اشباع الغريزة ثم يبدأ الملل وعدم اكمال الحياة الزوجيه وقد يكون ضحياها البنت والاولاد اذ وجد
والغريب هناك زواج لم تذكرو عنه شىء وهو (زواج الواسطه) او زواج الصور الذى يتم عن طريق الخاطبه التى تعلن عن بضاعتها عن طريق البوم الصور التى تلف به على اهل من طالب الزواج
شباب كل انواع الزواج لها عيوبها ومميزاتها لكن الزواج عامتاً نقمه وليس نعمه
اشكر ربنا على العزوبيه والحريه

[hedra_alwa7sh]

ايهما افضل
طبعا جواز الحب
لان جواز الصالونات انا بحس ان فية اهانة ليا وللبنت وبالاخص البنت هية البنت سلعة اروح اعين ولو عجبتني يبقي اوكي
او انا لو عجبتها يبقي اوكي هو مزاااد ولا اية
انا ف راي ان الحب الذى بدون مقابل
اللي هو( فيلو) خليها بلاش (اغابي) لان دة صعب دلوقتي

[قيثارة داود تبكى]

جواز الحب: و فيه الشاب بيتعرف على الشابة سواء فى الكنيسة أو الجامعة أو محيط العائلة،
و بيكون بينهم تفاهم و تعارف و دردشة و تليفونات و خلافه،
و أحياناً تنتهى بالجواز

[جراح حبيبى]

انا طبعا لا اعترض علي النوعين وافضل زواج الحب لانه مبني علي الصخر مهما عدت سيول يرجع يتماسك زي الاول

[مورا قلب يسوع]

هو سواء جواز عن حب او صالونات فدا بيبقى بترتيب من ربنا
وما جمعة الله مهما اختلفت وتعددت الاسباب لا يفرقة انسان
ميرسى ليكى
الرب يبارك خدمتك